伴奏著吉他聲 唱出阮心內的歌phuānn-tsàu-tio̍h gì-tà siann tshiùnn-tshut gún sim-lāi ê kua
這幾年來感謝你的陪伴tsit kuí nî lâi kám-siā lí ê puê-phuānn
做阮的方向盤 乎我一個靠岸tsò gún ê hong-hiòng-puânn hōo guá tsi̍t ê khò-huānn
失望的雨有厝瓦通遮sit-bāng ê hōo ū tshù-hiā thàng jia
看著你的背影 有時陣猶原會驚khuànn-tio̍h lí ê puē-iánn ū-sî-tsūn iû-guân ē kiann
不知甘會是阮在作夢m̄ tsai kam-ē sī gún leh tsuè-bāng
誰叫你遐迷人 溫柔體貼siáng kiò lí tshiâ bê lâng un-liû thé-thiap
親像載著希望的船隻tshin-tshiūnn tsáinn-tio̍h hi-bāng ê tsûn-tsiah
像我頇顢煮呷 無外豪額 嘛無介高大tshiūnn guá han-bān tsú tsiah bô guā hô gia̍h mā bô kài kuân-tuā
講濟笑虧 亦無人愛聽kóng tsuè tshiò khui ia̍h bô-lâng ài thiann
只是你知影 愛你的心肝tsí-sī lí tsai-iánn ài lí ê sim-kuann
絕對無人會當揣我拚輸贏tsua̍t-tuì bô-lâng ē-tàng tshuē guá piànn su-iânn
我聽到天在笑我 笑我這個憨人guá thiann-tio̍h thinn leh tshiò guá tshiò guá tsit-ê gōng-lâng
像你這款的伴 還在等啥tshiūnn lí tsit-khuán ê phuānn iáu leh tán siánn
對熟悉你彼天 就跛落癡情的網tuì si̍k-sāi lí hit kang tio̍h phuà lo̍h tshi-tsîng ê bāng
後半世人阮的希望請你斟酌聽āu puànn sè-lâng gún ê hi-bāng tshiánn lí tsim-tsiok thiann
不管花開花謝 無論秋冬春夏m̄-kuán hue khui hue siā bô-lūn tshiu-tang tshun hā
心意絕袂變卦 堅定如山sim-ì tsua̍t buē piàn-kuà kian-tīng lû-suann
貓頭鴣在喚聲 躲置樹頂睛睛在看niau-thâu koo leh huà siann bih tì tshiū tíng gíng gíng leh khuànn
幸福在叫我 牽著你來行hīng-hok leh kiò guá khan-tio̍h lí lâi kiânn
愛情的尾班車 到站的鐘一直響ài-tsîng ê bué-pan-tshia kàu tsām ê tsing it-ti̍t hiáng
後壁的路叫同齊打拚āu-piah ê lōo kiò tâng tsê phah-piànn
今後是一家人 相依相偎kim-āu sī tsi̍t ke lâng siò-i siò-uá
人生的擔兩個人來擔lîn-sing ê tann nn̄g-ê lâng lâi tann
親像電影在扮 歌詞在寫 吉他置咧彈tshin-tshiūnn tiān-iánn leh puann kua-sû leh siá gì-tà tì leh tuānn
鹹酸苦汫 滋味層層疊kiâm sng khóo tsiánn tsu-bī tîng tîng tha̍h
只有你知影 守著咱的青春夢tsí-ū lí tsai-iánn siú-tio̍h lán ê tshing-tshun bāng
絕對無人會當比我卡憨膽tsua̍t-tuì bô-lâng ē-tàng pí guá khá gōng tám
我聽到天在笑我 笑我這個憨人guá thiann-tio̍h thinn leh tshiò guá tshiò guá tsit-ê gōng-lâng
犁頭惦惦在拚 無怨無聲lê-thâu tiām-tiām leh piànn bô-uàn bô-siann
想欲乎你好命 不免煩惱安怎討呷siūnn-bē hōo lí hó-miā m̄-bián huân-ló an-tsuánn thó tsiah
會當過著平凡無欠安穩的生活ē-tàng kuè-tio̍h pîng-huân bô-khiàm an-ún ê sing-ua̍h
不管花開花謝 無論秋冬春夏m̄-kuán hue khui hue siā bô-lūn tshiu-tang tshun hā
只要有妳作伴 我攏袂驚tsí-iàu ū lí tsuè-phuānn guá lóng buē kiann
燕仔含土做壁 躲置厝腳睛睛在看ìnn-á kâm thóo tsuè piah bih tì tshù kha gíng gíng leh khuànn
甘是在叫我 幸福家己寫kam sī leh kiò guá hīng-hok ka-kī siá
聽到天在贊聲 唱著歡喜的歌thiann-tio̍h thinn leh tsàn-siann tshiùnn-tio̍h huann-hí ê kua
姻緣簿牽紅線 結著你我in-iân phōo khan âng suànn kat-tio̍h lí guá
新娘花雙手捧 美麗合影笑容滿滿sin-niû hue siang-tshiú phâng bí-lē ha̍p-iánn tshiò-iông muá-muá
無驚無惶共行共命安定的心晟bô-kiann bô-hiânn kāng kiânn kāng miā an-tīng ê sim tshiânn
不管天邊海角 無論庄腳都城m̄-kuán thinn-pinn hái-kak bô-lūn tsng kha too-siânn
只要有妳作伴 厝就置彼tsí-iàu ū lí tsuè-phuānn tshù tio̍h tì hia
鴛鴦雙雙相帶 泅置被單睛睛在看uan-iunn siang siang sio-tuà siû tì phuē tuann gíng gíng leh khuànn
幸福在叫我 甲你疼命命hīng-hok leh kiò guá kā lí thiànn miā miā