謝銘祐

活較慢兮

活較慢兮 心跳較慢兮ua̍h khah bān ê sim-thiàu khah bān ê

這粒地球 雄欲予咱挵破去tsit lia̍p tē-kiû hiông beh hōo lán lòng phuà khì

活較慢兮 想較久兮ua̍h khah bān ê siūnn khah kú ê

咱个囝仔 怹个夢拄欲開始lán ê kín-á im ê bāng tú beh khai-sí

咱毋免魚翅鮑魚 嘛是食會飽lán m̄-bián hî-tshì pau-hî mā sī tsia̍h-ē pá

咱有夠勇啦 莫去擠烏熊兮膽lán ū kàu ióng là mài khì tsik oo-hîm ê tám

活較慢兮 活較慢兮ua̍h khah bān ê ua̍h khah bān ê

猶毋趕緊和愛兮人 攬牢牢iá m̄ kuánn-kín hām ài ê lâng lám tiâu tiâu

三步做二步行 會跋倒啦!sann pōo tsè nn̄g pōo kiânn ē pua̍h tó là

你筒笥內面猶有偌濟 毋捌穿過兮新衫lí tâng sū lāi-bīn iá ū guā-tsē m̄ bat tshīng-kuè ê sin-sann

活較慢兮 活較慢兮ua̍h khah bān ê ua̍h khah bān ê

猶毋趕緊和愛兮人 攬牢牢iá m̄ kuánn-kín hām ài ê lâng lám tiâu tiâu

活較慢兮 活較慢兮 活較慢兮 活較慢兮…ua̍h khah bān ê ua̍h khah bān ê ua̍h khah bān ê ua̍h khah bān ê

猶毋趕緊和愛兮人 攬牢牢iá m̄ kuánn-kín hām ài ê lâng lám tiâu tiâu

活較慢兮 活較慢兮 活較慢兮 唱較慢兮ua̍h khah bān ê ua̍h khah bān ê ua̍h khah bān ê tshiùnn khah bān ê

謝銘祐 的其他歌曲 · More by 謝銘祐

歌詞與台羅拼音出處 · Lyrics and Tâi-lô from 台客鬼 Tâi Kheh Kuí