董事長樂團

沒問題

作詞:吳永吉 作曲:吳永吉 台羅拼音:關德樂

踮這個虛華的世界liam tsit-ê hi-hua ê sè-kài

大家攏有甲己的天甲地ta̍k-ke lóng ū ka-kī ê thinn kah tē

若是拄到問題就找關係nā-sī tú-tio̍h būn-tê tio̍h tshuē kuan-hē

落無關係就用錢落去買lak bô-kuan-hē tio̍h iōng tsînn lo̍h-khì bé

踮這個破病的土地liam tsit-ê phuà-pēnn ê thóo-tē

為著錢啥咪嚨會凍做uī-tio̍h tsînn siánn-mih lóng ē-tàng tsuè

笑貧無笑賤是啥的問題tshiò pîn bô tshiò tsiān sī siánn ê būn-tê

做人的道理你到底是學多少tsò-lâng ê tō-lí tàu-té sī o̍h guā-tsē

無問題 無問題 無問題bô būn-tê bô būn-tê bô būn-tê

學歷卡高嘛有凍買ha̍k-li̍k khá kuân mā ū tàng bé

無問題 無問題 無問題bô būn-tê bô būn-tê bô būn-tê

大某細姨嘸驚人講話tuā-bóo sè-î m̄-kiann lâng kóng-uē

踮這個變態的社會liam tsit-ê piàn-thài ê siā-huē

你若有錢啥米攏會凍做lí nā-ū tsînn siánn-mih lóng ē-tàng tsuè

殺人放顧嘛是問題thâi-lâng pàng kòo mā-sī būn-tê

做人的道理到底是值多少tsuè-lâng ê tō-lí tàu-té sī ta̍t guā-tsē

無問題 無問題 無問題bô būn-tê bô būn-tê bô būn-tê

學歷卡高嘛有凍買ha̍k-li̍k khá kuân mā ū tàng bé

無問題 無問題 無問題bô būn-tê bô būn-tê bô būn-tê

大某細姨嘸驚人講話tuā-bóo sè-î m̄-kiann lâng kóng-uē

無問題 無問題 無問題bô būn-tê bô būn-tê bô būn-tê

學歷卡高嘛有凍買ha̍k-li̍k khá kuân mā ū tàng bé

無問題 無問題 無問題bô būn-tê bô būn-tê bô būn-tê

大某細姨嘸驚人講話tuā-bóo sè-î m̄-kiann lâng kóng-uē

無問題 無問題 無問題bô būn-tê bô būn-tê bô būn-tê

愛情叨位嘛有底賣ài-tsîng tó-uī mā ū té bē

無問題 無問題 無問題bô būn-tê bô būn-tê bô būn-tê

麥講這濟 有錢萬萬歲mái kóng tsia tsè ū-tsînn bān bān suè

董事長樂團 的其他歌曲 · More by 董事長樂團

歌詞與台羅拼音出處 · Lyrics and Tâi-lô from 台客鬼 Tâi Kheh Kuí