農村武裝青年

望水

歌詞:阿達 歌曲:阿達 台羅拼音:關德樂

謝天又謝地 謝你賜阮源源的水源地siā thinn koh siā tē siā lí sù gún guân guân ê tsuí-guân tē

望天又望地 望阮這冬稻仔收成沒問題bāng thinn koh bāng tē bāng gún tsit tang tiū-á siu-sîng bô būn-tê

濁濁的水啊 感謝你來疼惜故鄉的作田人lô-lô ê tsuí ah kám-siā lí lâi thiànn-sioh kòo-hiong ê tsoh-tshân lâng

水頭流到水尾 讓家園厝地世世代代永流傳tsuí-thâu lâu-kàu tsuí-bué khí hōo tshân-hn̂g tshù-tē sè-sè-tāi-tāi íng liû-thuân

水啊水 你要流去兜位 有水才有巢 讓咱的後代長歲壽tsuí ah tsuí lí beh lâu khì tó-uī ū tsuí tsiah ū siū hōo lán ê hiō-tāi tn̂g huè-siū

水啊水 你要流去兜位 有水才有稻 讓咱的未來免憂愁tsuí ah tsuí lí beh lâu khì tó-uī ū tsuí tsiah ū tiū a hōo lán ê bī-lâi bián iu-tshiû

敬天又敬地 求你保庇這塊百年的水源地kìng thinn koh kìng tē kiû lí pó-pì tsit tè pah-nî ê tsuí guân-tē

望天又望地 望這條水圳永永遠遠袂破病bāng thinn koh bāng tē bāng tsit tiâu tsuí tsùn íng-íng-uán-uán buē phuà-pīnn

阿公咧說起是這條埤圳的水飼大了子兒細小平安又順遂a-kong leh kóng-khí tsit tiâu pi-tsùn ê tsuí tshī-tuā liáu kiánn-lî si sè pîng-an koh sūn-suī

如今政府財團要來這搶奪這條百年歷史的水圳lû-kim tsìng-hú tsâi-thuân beh lâi tsia tshiúnn to tsit tiâu pah-nî li̍k-sú ê tsuí-tsùn

他說阮不愛 阮不愛 阮要讓子孫久久長長生活在這片的水寶地i kóng gún bô ài gún bô ài gún beh hōo kiánn-sun kú kú tn̂g tn̂g sing-ua̍h tī tsit phìnn ê tsuí pó-tē

水啊水 你要流去兜位 流入田底飼稻仔 讓咱的子孫萬萬歲tsuí ah tsuí lí beh lâu khì tó-uī lâu-ji̍p tshân té tshī tiū-á hōo lán ê kiánn-sun bān-bān suè

水啊水 你要流去兜位 流入土底飼土地 讓咱的糧食好開花tsuí ah tsuí lí beh lâu khì tó-uī lâu-ji̍p thôo-té tshī thóo-tē hōo lán ê niû-si̍t hó khui-hue

水啊水 要流去兜位 流入田底飼稻仔tsuí ah tsuí lí beh lâu khì tó-uī lâu-ji̍p tshân té tshī tiū-á

水啊水 要流去兜位 讓咱的子孫萬萬歲tsuí ah tsuí lí beh lâu khì tó-uī hōo lán ê kiánn-sun bān-bān suè

水啊水 要流去兜位 流入土底飼土地tsuí ah tsuí lí beh lâu khì tó-uī lâu-ji̍p thôo-té tshī thóo-tē

水啊水 要流去兜位 讓咱的子孫萬萬歲tsuí ah tsuí lí beh lâu khì tó-uī hōo lán ê kiánn-sun bān-bān suè

萬萬歲 萬萬歲bān-bān suè bān-bān suè

水啊水 你要流去兜位 流入田底飼稻仔 讓咱的子孫萬萬歲tsuí ah tsuí lí beh lâu khì tó-uī lâu-ji̍p tshân té tshī tiū-á hōo lán ê kiánn-sun bān-bān suè

水啊水 你要流去兜位 流入土底飼土地 讓咱的糧食好開花tsuí ah tsuí lí beh lâu khì tó-uī lâu-ji̍p thôo-té tshī thóo-tē hōo lán ê niû-si̍t hó khui-hue

農村武裝青年 的其他歌曲 · More by 農村武裝青年

歌詞與台羅拼音出處 · Lyrics and Tâi-lô from 台客鬼 Tâi Kheh Kuí