陳建瑋

你給人嘿

我無咧酒醉烏白花 嘛毋是頭眩假坦白guá bô leh tsiú-tsuì oo pe̍h hue mā m̄ sī thâu-hîn ké thán-pi̍k

有一寡鋩角愛你講詳細 趁無風無雨月光暝ū tsi̍t-kuá mê-kak ài lí kóng siông-suè thàn bô-hong bô-hōo ge̍h-kng mê

你身邊胡蠅颺颺飛 飛袂到你的心肝底lí sin-pinn hôo-sîn iānn iānn pue pue-bē-kàu lí ê sim-kuann té

為啥物對我放電使目尾 閣定定咧招阮入來坐uī-siánn-mi̍h tuì gún pàng tiān sái ba̍k-bué koh tiānn-tiānn leh tsio gún ji̍p-lâi tsē

無閒的城市內五色的人 一蕊蕊擠燒的仝款的夢bô-îng ê siânn-tshī lāi ngóo-sik ê lâng tsi̍t luí luí kheh sio ê kâng-khuán ê bāng

你講我橐袋仔雖然空空 心內有輕重lí kóng guá lok tē-á sui-jiân khang khang sim-lāi ū khin-tāng

兩個人散步佇愛情的路 哪會到最後賰我一個nn̄g-ê lâng sàn-pōo tī ài-tsîng ê lōo ná ē kàu tsuè-āu tshun guá tsi̍t ê

哎喲 你共阮騙 你共人嚇ai-iō lí kā gún pián lí kā lâng heh

差不多 佇咧一禮拜前 我拄著一位標緻的惰姑娘仔tsha-put-to tī leh tsi̍t lé-pài tsiân guá tú-tio̍h tsi̍t-uī phiau-tì ê suí koo-niû-á

伊講我人趣味 閣敖唱歌 想欲佮我做伙i kóng guá lâng tshù-bī koh kau tshiùnn-kua siūnn-beh ka̍h guá tsò-hué

但是 但是想袂到tān-sī tān-sī siūnn-bē-kàu

這馬的姑娘仔 哪會遮爾水性楊花 才做伙無兩工爾爾tsit-má ê tsu-niû á ná ē tsiah-nī tsuí-sìng hiâu hue tsiah tsò-hué bô nn̄g kang nía nía

伊就綴著駛跑車的富二代走去啊i tio̍h tuè-tio̍h sái pháu-tshia ê pù lī tāi tsáu-khì ah

啊 我毋甘願 我毋甘願啊ah guá m̄-kam-guān guá m̄-kam-guān ah

你身邊胡蠅颺颺飛 飛袂到你的心肝底lí sin-pinn hôo-sîn iānn iānn pue pue-bē-kàu lí ê sim-kuann té

為啥物對我放電使目尾 閣偏偏欲招阮入來坐uī-siánn-mi̍h tuì gún pàng tiān sái ba̍k-bué koh tiānn-tiānn leh tsiau gún ji̍p-lâi tsē

無閒的城市內五色的人 一蕊蕊擠燒的仝款的夢bô-îng ê siânn-tshī lāi ngóo-sik ê lâng tsi̍t luí luí kheh sio ê kâng-khuán ê bāng

你講我橐袋仔雖然空空 心內有輕重lí kóng guá lok tē-á sui-jiân khang khang sim-lāi ū khin-tāng

兩個人散步佇愛情的路 哪會到最後賰我一個nn̄g-ê lâng sàn-pōo tī ài-tsîng ê lōo ná ē kàu tsuè-āu tshun guá tsi̍t ê

哎喲 你共阮騙 你共人嚇ai-iō lí kā gún pián lí kā lâng heh

天頂的月娘遐爾圓 照著我寂寞的心情thinn-tíng ê gue̍h-niû hiah-nī înn tsiàu-tio̍h guá siok-bo̍k ê sim-tsîng

純情的男兒煞來予人騙 只好當這段情是笑詼sûn-tsîng ê lâm-jî suah lâi hōo lâng pián tsí-hó tong tsit tuānn tsîng sī tshiò-khue

陳建瑋 的其他歌曲 · More by 陳建瑋

歌詞與台羅拼音出處 · Lyrics and Tâi-lô from 台客鬼 Tâi Kheh Kuí